من قال القرآن مخلوق فهو عندنا كافر لأن القرآن من علم الله عز وجل

هیچ شتێک نییە.

---

گوێم لە باوکم بوو [ڕەحمەتی الله ـی لێبێت] دەیفەرموو: هەر کەسێک بڵێت قورئان مەخلوقە ئەوە لەلای ئێمە کافرە، چونکە قورئان لە زانستی الله ـیە، الله عز وجل دەفەرمووێت: ﴿فَمَنْ حَآجَّكَ فِيهِ مِنۢ بَعْدِ مَا جَآءَكَ مِنَ ٱلْعِلْمِ﴾ [آل عمران: ٦١]. واتە: ئەی محمد صلى الله علیه وسلم لە دوای ئەوەی كە زانست و زانیاریت بۆ هات هەر كەسێك لە گاورەكان هاتن دەمەقاڵێ و مشتومڕ لەگەڵ تۆدا بكەن سەبارەت بە عیسى صلى الله علیه وسلم. وە دەفەرمووێت: ﴿وَلَن تَرْضَىٰ عَنكَ ٱلْيَهُودُ وَلَا ٱلنَّصَٰرَىٰ حَتَّىٰ تَتَّبِعَ مِلَّتَهُمْ ۗ قُلْ إِنَّ هُدَى ٱللَّهِ هُوَ ٱلْهُدَىٰ ۗ وَلَئِنِ ٱتَّبَعْتَ أَهْوَآءَهُم بَعْدَ ٱلَّذِى جَآءَكَ مِنَ ٱلْعِلْمِ ۙ مَا لَكَ مِنَ ٱللَّهِ مِن وَلِىٍّ وَلَا نَصِيرٍ﴾ [البقرة: ١٢٠]. واتە: هەرگیز ئەم جوولەکەو فەلانە لەتۆ خۆشیان نایە (ئەى موحەممەد -صلى الله عليه وسلم-!، هەتا پەیڕەوى لە ئایین و بەرنامەیان دەکەیت، واتە: هەتا نەچیتە سەر دینى ئەوان هەرگیز بەتەماى ڕەزامەندى ئەوان مەبەو، باوەڕیش ناهێنن و، لە پیلان و ئاژاوە گێڕیى و فەسادو، خراپەکارى کۆتا ناکەن، دەسا ئەى پەیامبەر -صلى الله عليه وسلم-! پێیان بڵێ: بێگومان ڕێى ڕاست و دروست، هەر ئەم بەرنامەو رێبازەى الله ـیە، سوێند بێ بە خوا ئەگەر پەیڕەوى لە هەواو ئارەزووى ئەوان بکەیت و بچیتە سەر کردەو وتەیان دواى ئەوە کە زانست و زانیاریت بۆ هات، ئیتر چاک بزانە کە بێ شک هیچ سەرپەرشت و چاودێرو کۆمەککارێکت لە خواوە بۆ نابێ. وە دەفەرمووێت: ﴿وَلَئِنْ أَتَيْتَ ٱلَّذِينَ أُوتُوا۟ ٱلْكِتَٰبَ بِكُلِّ ءَايَةٍ مَّا تَبِعُوا۟ قِبْلَتَكَ ۚ وَمَآ أَنتَ بِتَابِعٍ قِبْلَتَهُمْ ۚ وَمَا بَعْضُهُم بِتَابِعٍ قِبْلَةَ بَعْضٍ ۚ وَلَئِنِ ٱتَّبَعْتَ أَهْوَآءَهُم مِّنۢ بَعْدِ مَا جَآءَكَ مِنَ ٱلْعِلْمِ ۙ إِنَّكَ إِذًا لَّمِنَ ٱلظَّٰلِمِينَ﴾ [البقرة: ١٤٥]. واتە: بەڕاستی ئەگەر تۆ هەر نیشانەیەک بێنیى و نیشانى خاوەن نامەکانى بدەیت (هەتا باوەڕت پێبکەن) و شوێنت کەون و ڕوو بکەنە ڕووگەکەت، هەرگیز لەبەر ئێرەیى و سەرسەختی خۆیان، ڕوو لە ڕووگەکەت ناکەن و پەیڕەویت ناکەن، خۆ دیارە ئەتۆش – پاش ئەوەى خوا ڕوویکردیتە کەعبە- ڕووناکەیتە ڕووگەى ئەوان، ئەوانیش ڕووناکەنە ڕووگەى یەکترو پەیڕەوى لەیەکتر ناکەن، نە جوولەکە ڕوو لە ڕووگەى گاوران دەکا، نە ئەمانیش ڕوو لە ڕووگەى ئەوان دەکەن، دواى ئەو زانست و زانیارییەى لە خواوە بۆت هات و، بە نیگاش بۆت دەرکەوت کە هەق و ڕاستیى لە ڕووگەکاندا کامەیە، گریمان ئەگەر تۆ لە هەواو هەوەسى ئەوان پەیڕەوى بکەى، بێگومان ئەو کاتە لە ڕیزى ستەمکاران دەبى. وە دەفەرمووێت: ﴿أَلَا لَهُ ٱلْخَلْقُ وَٱلْأَمْرُ ۗ تَبَارَكَ ٱللَّهُ رَبُّ ٱلْعَٰلَمِينَ﴾ [الأعراف: ٥٤]. واتە: چاکیش بزانن! کە دروستکردن و تەکبیـر و فەرمانى بۆ بەڕێوەبردنى هەموو بوونەوەر، هەر بەدەستى ئەوە، زۆر بە بەرەکەت و گەورەیە خوایەک کە پەروەردگاری گشت جیهانە. باوکم [ڕەحمەتی الله ـی لێبێت] وتی: دروستکردن جیایە لە فەرمانکردن. وە دەفەرمووێت: ﴿وَمَن يَكْفُرْ بِهِۦ مِنَ ٱلْأَحْزَابِ﴾ [هود: ١٧]. واتە: وە هەرکەسیش لە کۆمەڵەکانى ترى دنیا، حاشاى لێ بکاو باوەڕى پێنەهێنێ. باوکم [ڕەحمەتی الله ـی لێبێت] وتی: سەعیدی کوڕی جوبەیر دەڵێت: ﴿ٱلْأَحْزَابِ﴾ هەموو دینەکانن، ﴿فَٱلنَّارُ مَوْعِدُهُۥ ۚ ﴾ [هود: ١٧]. واتە: بێگومان کە ئاگرى دۆزەخ جێیەتى. وە دەفەرمووێت: ﴿وَمِنَ ٱلْأَحْزَابِ مَن يُنكِرُ بَعْضَهُۥ ۚ قُلْ إِنَّمَآ أُمِرْتُ أَنْ أَعْبُدَ ٱللَّهَ وَلَآ أُشْرِكَ بِهِۦٓ ۚ إِلَيْهِ أَدْعُوا۟ وَإِلَيْهِ مَـَٔابِ﴾ (٣٦) ﴿وَكَذَٰلِكَ أَنزَلْنَٰهُ حُكْمًا عَرَبِيًّا ۚ وَلَئِنِ ٱتَّبَعْتَ أَهْوَآءَهُم بَعْدَمَا جَآءَكَ مِنَ ٱلْعِلْمِ مَا لَكَ مِنَ ٱللَّهِ مِن وَلِىٍّ وَلَا وَاقٍ﴾ (٣٧) [الرعد]. واتە: بەڵام هەندێک لەو دەستەو بەستەى خاوەننامەو موشریکانە هەیە نکوڵى هەندێکی قورئان دەکەن، ئەى پێغەمبەر! بڵێ: من فەرمانم پێدراوە کە تەنها (الله) خوا بپەرستم، کەسى لێ نەکەم بەشەریک و، هاوبەش و هاوەڵى بۆ دانەنێم، من هەر ئەو دەپەرستم و هاواریش تەنها بۆ ئەو دەبەم، و سەرەنجام و گەڕانەوەیشم هەر بۆلاى ئەوە. وەکو چۆن کتێبە پێشووەکانم ناردۆتە خوارەوەو، هەریەکەشیان بەزمانى نەتەوەو گەلەکەى خۆى بووە، هەر ئاوایش بەدەستوورى خۆمان ئەم قورئانەمان بەزمانى عەرەبى کە زمانى قەومەکەتە ناردۆتە خوارەوە، هەتا گشت حوکم و بڕیارێکت بەو بێ و، خەڵک و گەلانیش پەیڕەوى لێبکەن، و ئەگەر تۆ ئەى پێغەمبەر! بکەویتە شوێن هەواو ئارەزووى ئەو خاوەن کتێب و بت پەرستانە، پاش ئەوەى کە زانست و زانیاریت سەبارەت بەیەک خواپەرستیى بۆهات، ئەوە لە سزاو جەزرەبەى خوا، هیچ یارمەتیدەرو پارێزەرێکت دەست ناکەوێت بتپارێزێت.