ستفترق أمتي على ثلاث وسبعين فرقة كلها في النار، إلا واحدة

هیچ شتێک نییە.

وە بزانە پێغەمبەری الله ﷺ فەرموویەتی: {ئوممەتەکەم دەبێتە حەفتاو سێ تاقم و گرۆوە، هەمووی لە ئاگردایە تەنها یەکێکیان نەبێت ئەویش جەماعەتە، فەرموویان ئەی پێغەمبەری خوا کێن ئەو کۆمەڵە ڕزگاربووە؟، فەرمووی: ئەو ڕێچکەیەی ئەمڕۆ من و هاوەڵانم لەسەرین}. دینەکە ئا بەم شێوەیە بوو، تاکو خیلافەتی عومەری کوڕی خەتاب - خوا لێی ڕازی بێت - هەمووی جەماعەتە، وە هەر ئا بەم شێوەیەش بوو لە سەردەمی عوسماندا - خوا لێی ڕازی بێت - تاکو عوسمان کوژرا ئیتر جیاوازی و بیدعە پەیدابوو و خەڵکی بوونە چەند گرۆ و دەستەوە، جا لە خەڵکیدا هەبوون دامەزراو بوون لەسەر حەق هەر لە یەکەم گۆڕانکارییەوە، بەو قسەوە قسەی دەکرد و کاری پێدەکرد و خەڵکی بۆ بانگ دەکرد. کارەکە بە ڕاستی و ڕێکوپێکی دەڕۆیشت تاکو چینی چوارەم پەیدا بوو لە خیلافەتی بەنی فڵان و زەمانە هەڵگەڕایەوە و خەڵکی زۆر گۆڕان، وە بیدعە بڵاوبۆوە، بانگەوازکاران بۆ ڕێگەی جگە لە حەق و جەماعەت زۆر بوون، لەهەموو شتێکدا تاقیکردنەوە ڕوویدا کە پێغەمبەری الله ﷺ و هاوەڵانی قسەیان تێدا نەکردبوو. بانگەوازیان کرد بۆ جیاوازی و دووبەرەکی لەکاتێکدا خوای گەورە نەهی کردووە لە دووبەرەکی، هەندێکیان ئەوانیتری کافر کرد و هەریەکەو بانگەشەی بۆ بۆچوونی خۆی دەکات و بۆ بەکافر زانینی ئەوانەی ناکۆکن لەگەڵیاندا، بۆیە نەفامان و خەڵکی عەوام و ئەوانەی عیلمیان نەبوو گومڕا بوون، تەماحیان دا بە خەڵکی بە شتی دونیا، بەسزای دونیا ئەوانیان ترساند، بۆیە خەڵکی شوێنی ئەوان کەوتن لە ترسی دونیاکەیان و بەتەماحی ئەوەی لە دونیاکەیاندا هەیە. جا سوننەت و ئەهلی سوننەت شاراوەبوون، و بیدعە دەرکەوت و بڵاوبوەوە، بەشێوەیەک نازانن لەچەند ڕوویەکەوە کوفریان کردو قیاسیان دانا، توانای پەروەردگار و ئایەتەکانی و ئەحکامەکانی و فەرمانەکانی و نەهییەکانی بەپێی ئەقڵ و بۆچوونی خۆیان لێکدەدایەوە، جا ئەوەی لەگەڵ ئەقڵی ئەواندا دەگونجا وەریان دەگرت و ئەوەی لەگەڵ ئەقڵی ئەواندا نەدەگونجا ڕەتیان دەکردەوە بۆیە ئیسلام نامۆ بوو، وە سوننەتیش نامۆ بوو، وە ئەهلی سوننەت لە ماڵی خۆیاندا نامۆ بوون.