Latest Posts

هیچ شتێک نییە.

وە بزانە ڕەحمەتی الله ـت لێبێت ئەگەر خەڵکی لەسەر شتە داهێنراوەکان ڕاوەستان و بەسەریدا تێنەپەڕین و هیچ قسەیەکیان دروست نەدەکرد بەوەی هیچ ئەثەرێک لە پێغەمبەری الله وە صلى الله عليه وسلم نەهاتبێت، وە لە هاوەڵانیشەوە نەهاتبێت، ئەوا بیدعە دروست نەدەبوو.

هیچ شتێک نییە.

وە بزانە ڕەحمەتی الله ـت لێ بێت هیچ شتێک لەنێوان بەندە و ئەوەی ببێتە ئیماندار نییە تاکو دەبێتە کافر ئیللا نکۆڵی لە شتێک بکات کە الله تعالىٰ دایبەزاندبێت، یان قسەکانی الله تعالىٰ زیاد بکات، یان کەمی بکاتەوە، یان ئینکاری لە شتێک بکات کە الله عزوجل وتبێتی، یان پێغەمبەری الله صلى الله عليه وسلم وتبێتی. جا لە الله بترسە ڕەحمەتی الله ـت لێ بێت تەماشای خۆت بکەو ئاگاداری زیادەڕەوی بە لە دیندا، چونکه ئەوە بەهیچ شێوەیەک ڕێگای حەق نییە.

هیچ شتێک نییە.

هەموو ئەوەی لەم کتێبەدا باسم کردووە بۆت، هەموو ئەوانە لە الله تعالى، وە لە پێغەمبەری الله صلى الله عليه وسلم، وە لە هاوەڵان و شوێنکەوتووان و لە سەدەی سێیەم تا سەدەی چوارەم هاتووە. لە الله بترسە ئەی بەندەی الله، پێویستە لەسەرت بەڕاست زانین و تەسلیم بوون و پێ سپاردن (تفويض) و ڕازیبوون لەوەی لەم کتێبەدا هەیە، ئەم کتێبە لە هیچ کەسێکی ئەهلی قیبلە مەشارەوە بەڵکو سەرلێشێواوێک لە سەرلێشێواوییەکەی بگەڕێتەوە، یان خاوەن بیدعەیەک لە بیدعەکەی، یان گومڕایەک لە گومڕاییەکەی پێی دەرباز ببێت. لە الله بترسە، پێویستە لەسەرت دەست بە کارە یەکەمە دێرینەکەوە بگریت، ئەویش ئەوەیە لەم کتێبەدا باسم کردووە بۆت، ڕەحمەتی الله لەو بەندەیە، وە ڕەحمەتی الله لە باوک و دایکی ئەوەی ئەم کتێبە دەخوێنێتەوە، وە بڵاوی دەکاتەوە و کاری پێدەکات و بانگەوازی بۆ دەکات و دەیکاتە بەڵگەی خۆی، چونکه ئەوە دینی الله و دینی پێغەمبەری الله ـییە صلى الله عليه وسلم. هەرکەسێ شتێک حەڵاڵ بکات جیاواز بێت لەوەی لەم کتێبەدا هەیە، ئەوا بە هیچ دینێک دینداری نەکردووە، هەمووی ڕەتکردۆتەوە، هەروەکو ئەوەی کەسێک باوەڕی بەهەموو ئەوەی الله تعالىٰ فەرموویەتی هەیە تەنها لە یەک پیتدا گومانی هەیە ئەوا هەموو ئەوەی الله تعالىٰ فەرموویەتی ڕەتیکردۆتەوە، ئەویش کافرە، هەروەکو شایەتیدانی لا إله إلا الله لە خاوەنەکەی وەرناگیرێ بەبێ ڕاستگۆیی نیەت و یەقینێکی دڵسۆز، بەهەمان شێوە الله تعالىٰ هیچ لە سوننەتەوە وەرناگرێ بە وازهێنان لە هەندێکی، هەرکەسێ وازی لە بەشێکی سوننەت هێنا، ئەوا وازی لە هەموو سوننەت هێناوە، لەسەرتە قبوڵی بکەیت، واز لە وتە وت و یاخیبوون بێنیت، چونکه ئەوە بەهیچ شێوەیەک لەدینی الله نییە، بەتایبەتی سەردەمەکەی تۆ، سەردەمێکی خراپە بۆیە لە الله بترسە.

هیچ شتێک نییە.

ئەگەر فیتنە ڕوویدا ئەوا دەست بەناو ماڵەکەی خۆتەوە بگرە، لە دراوسێتی فیتنە دوور بکەوە، ئاگاداری و وریایی دەمارگیری بە، هەر کوشتارێک لەنێوان موسڵماناندا لەسەر دونیا ڕوویداوە ئەوە فیتنەیە، بۆیە لەو خوایە بترسە کە تاک و تەنهایە و هیچ هاوبەشێکی نییە، تێیدا دەرمەچۆ، کوشتاریش مەکە، ئارەزووت بۆ لای کەس نەڕوات و لەگەڵ هیچ لایەکدا مەبەو لامەدە، هیچ شتێک لە کاروباری ئەوانت لا خۆشەویست نەبێ، چونکه وتراوە: هەرکەسێک کردەوەی کۆمەڵێکی لا خۆشەویست بێت - جا چاک بێت یان خراپ - ئەوا وەکو ئەو کەسەیە کاری پێ کردبێت، الله تعالىٰ ئێمە و ئێوەش تەوفیق بدات بۆ ڕەزامەندی خۆی و دوورمان بخاتەوە لە سەرپێچی کردنی.

هیچ شتێک نییە.

بەکەمی تەماشای ئەستێرەکان بکە، تەنها ئەوە نەبێ پشتی پێ ببەستی بۆ زانینی کاتەکانی نوێژ، جگە لەوە وازی لێ بهێنە چونکە ئەوە بەرەو بێباوەڕی دەتبات.

هیچ شتێک نییە.

وریابە و دوور بکەوە لە تەماشاکردن لە عیلمی کەلام، وە دانیشتن لەگەڵ ئەهلی کەلام.

هیچ شتێک نییە.

وە دەستبگرە بە فەرموودە و ئەهلی فەرموودە، وە پرسیار لەوان بکە، وە لەگەڵ ئەوان دابنیشە، وە لەوانەوە وەربگرە.

هیچ شتێک نییە.

وە بزانە الله تعالى نەپەرستراوە بە شتێک وەکو ترس لە الله، وە ڕێگای ترس و خەم و بەزەیی و شەرم لە الله تبارك وتعالى وەیە.

هیچ شتێک نییە.

وە ئاگاداربە لەوەی کە دابنیشی لەگەڵ ئەوانەی بانگەواز بۆ تامەزرۆیی و خۆشەویستی دەکەن، وە لەگەڵ ئەوانەی لەگەڵ ئافرەتاندا دوو بەدوو دەبنەوە و ڕێگای ئەو مەزهەبە، چونکه هەموو ئەوانە لەسەر گومڕایین.